زغاريد فلسطينية روعة

**صديق متمكن**

زغاريد فلسطينية روعة ان شاء الله بتعجبكم

****************************** **********

أويهـــــا
يــــا قـــاعــدة عـــالمـــراتـــب قعــدة البنـــا
أويهـــــا
والكحـــــل بعيــــونـــــك زقفتلـــــوا غنــــــا
أويهـــــا
حطّــــي القـــدم عــالقـــدم مـــا سمعتلـــوا رنّــا
أويهـــــا
يجعـــل البطـــن يلّــي حملــك مسكنـــوا الجنــة

****************************** *********

أويهـــا
جيــــت أغنـــي وقبلـــي مــا حـــدا غنـــا
أويهـــا
بقــــاع وادي فيــــه الطّيــــــر بيستنــــــا
أويهـــا
وريتـــك يـــا حازم
بهــالعـــروس تتهنـــا
أويهـــا
وتظــــل ســــالـــم ويظـــل الفـــــرح عنّــا

****************************** ***********

أويهـــا
قـومـي معـي يـــا راما يــا نعنــــا
أويهـــا
ويلــــــي بــالـــذهــــب مقمعـــــــا
أويهـــا
ويخليلـــك أبـــوكـــي وإخـــوانـــك
أويهـــا
وتضلّـــك بحيـــاةٌ مـــــدلعــــــــه

****************************** ************

أويهـــا
غلينـــا قهـــوة
أويهـــا
طلعـــت مـــرّة
أويهـــا
إلّــي مــا فــرحتلك يــا فواز
أويهـــا
تيجـــي عليهــــا الضّــرّة
****************************** ************

أويهــــا
ارفـــع عينـــك يــا ااسير واقشعهــــا
أويهــــا
وكـل مـا قلتلـك كلمـي إسمعهـــا
أويهــــا
وكـــل المـال يلّـــي حطيتـــوا
أويهــــا
مــا بيســــوى راس أصبعهــــا

****************************** *

أويهــــا
عــريسنــا سامي صغيــر
أويهــــا
ـــا طبـــــق الثـــلاثيــــن
أويهــــا
خطبنــالــوا بــإيــام الــورد
أويهــــا
بــدنــا نجــوزوا بــإيــام اليــاسميــن

****************************** *********

أويهـــا
طبخنـــــا ملـــوخيـــــة
أويهـــا
وحنـــا الفلسطينيــــة
أويهـــا
ولّــي مــا بحبــك يــا بشار
أويهـــا
تصيبـــوا سكتــــــه قلبيــــة

**********************

أويهـــا
زرعنـــا بيتنجــــان
أويهـــا
يـــا كنـــايـــن هـــالــزمـــان
أويهـــا
يــا قليـــلات لمــــروّه
أويهـــا
يـــا طـــويـــلات اللســــــان

****************************** *****

أويهـــا
البــــس بيقـــول نـــــو
أويهـــا
والكلـــب بيقــــول عــــو
أويهـــا
ويلّـــي مـــا بحبــــك يـــا ايمن
أويهـــا
مـــا يطلــع عليـــه الضــــو

******************************

أويهـــا
زرعنـــا نجــــاصـــــه
أويهـــا
وبــالبحــر غطّــاســـه
أويهـــا
ويلّــي مــا بحبـــك يــا ياز
أويهـــا
إطـــب بقلبـــو رصـــاصـــة

****************************

اويها
اسم الله عليك يا عرين
اويها
عين الله عليك
اويها
عين الحاسدة تعمى
اويها
والي ما تسمي على

****************************** ******

أويها
العقبال لـ بيج بوس كلكوا قولوا
أويها
شاب إسمراني ومزينوا طولوا
أويها
العقبال لفرحته
أويها
إمه وأهله يغنولوا

****************************** ****

أويها
أرقصي وديري ظهرك
أويها
وارخي جدايل شعرك
أويها
ويسلمك يا ست ايفا
أويها
يا مبيضة شاشات أهلك

****************************** *******

أويها
لبستك الأبيض طيه على طيه
أويها
طيه فرنجية وطيه عربية
أويها
اطلعت من الدار وقلت آه يا خيي ويا بيي
أويها
وأنا زهرة ديروا بالكوا عليي

****************************** ***********************

أويها
سمبوسك يا بشرى بالهوا
أويها
حطيته بالفرن بعده ما إستوى
أويها
تعوا إتفرجوا يا جيراني وخلاني
أويها
مش كل العرايس سوا

****************************** *******************

اويها ...
بمقص الذهب قصلوا يا بشارة
اويها ...
لزينة الشباب وزينة الحارة
اويها ...
ان وصفت بالوصف ما وفيت
اويها ...

أمير صغير وتلبقلوا الامارة

************

زغرودة بالزيت والزعتر

آه هي.. واحنا بنات فلسطين وعن حق وحقيقي

آه هي.. وندوس رقاب العدى ونخليها طريقي

آه هي.. ويا زعتر بلادي ويا رمز العز وسط الحصاري

آه هي.. ولخليك فطوري وغداي وعشايي

آه هي.. وما بفرط بحقي ولو طال الزماني

آه هي.. ولو ذوقوني المر وقطعوا وصالي

آه هي.. ويا قدس الأقداس يا داري

آه هي.. ويا زيتك باركو الرحماني

آه هي.. واحنا بنات فلسطين ما ننسى الأسيري

آه هي.. واحنا بنات خولة واشهد يا ضراري

آه هي.. يا حبابي في العراق لا تعتبوا عليي

آه هي.. والجرح واحد وباذن الله الفرج جايي

آه هي.. ونذرن عليي لاجل القدس وبغدادي

للوك المر ورافق الأحراري ................ لولولولولولو...لي...

*****8**8**8**8

هذه بعض الاهازيج الفلسطينيه التي تغنى في الاعراس

هي بلا تفتحوا باب الدار هي خلي المهني يهني
هي انا طلبت من الله هي ما خيب الله ظني

هي يا مرحبا يا مرحبا هي ريحة طلتكم محلبا
هي والعين ترحب فيكم والقلب من جوا يقول مرحبا

يابي محمد يا كوم المسامير يلي قلوب العدا منك ملانين
لا عاشت عداك ولا كانت ولا تفسرت بحلم السلاطين

انا بغني الي زمان ما غنيت وانا بغني كرامه لاصحاب البيت
و حياة من خلا الزيتون ينقط زيت فريت كل فلسطين على حسنك ما ريت

مع السلامات احنا رايحين نروح باب المحبه انغلق و باب الجفا مفتوح
و حياة النبي صالح واولاد عمه نوح طلوعك من البلد اصعب من طلوع الروح

**|l|No PrOm!SeS |l|**

يسلمو اميرة يامزوقة

ماتحرمينا من هالطله الحلوة

دمتي بود

**صديق فعال**

يسلموووووكتير يا اخت اميرة
بجد موضوعك كتير رائع
تقبلي اعجابي وتحياتي لك
اختك
فرح

**صديق متمكن**

[ندعوك للتسجيل في المنتدى أو التعريف بنفسك لمعاينة هذه الصورة]

شاكره لكم
روعه حضوركم البراق.. وعطر قدومكم الآخاذ
والله يعطيكم العافية
ولايحرمنا من روووعه تواصلكم
..//..
تقبلو مني أرق الود وأرقى الورد احترامي

اميرة الاحساس

[ندعوك للتسجيل في المنتدى أو التعريف بنفسك لمعاينة هذا الرابط]

**صديق سوبر**

تسلمي اميرة كتير حلو الموضوع الله يعطيكي العافية

**صديق ذهبي**

يا هيك الزغاريد يا بلا الله يعطيكي العافيه يا اميرة
تقبلي تحياتي سفيرة الحب

**صديق جديد**

كتير حلوووووووو

يسلمووووو يا الغالية

**صديق نشيط**

نايس كتير يا عسولة